यवतमाळ च्या अणे महिला महाविद्यालयाच्या च्या प्राध्यापकाची मालगाडीखाली आत्महत्या धामणगाव रेल्वे येथील घटना : बडनेरा पोलीस ठाण्यात गुन्हा दाखल होण्याची प्रक्रीया

यवतमाळ कॉटन सिटी न्यूज

शहरातील लोकनायक बापुजी अणे महिला महाविद्यालातील प्राध्यापकाने मालगाडीखाली उडी घेवून आत्महत्या केली. ही घटना आज मंगळवारी पहाटे २.३० वाजताच्या सुमारास धामणगाव रेल्वे येथे घडली.
प्रा. संतोष भास्करराव गोरे वय ५4 रा. रेवती हॉटेलच्या मागे यवतमाळ असे प्राध्यापकाचे नाव आहे. ते लोकनायक बापुजी अणे महिला महाविद्यालयात इंग्रजी विषयाचे प्राध्यापक होते. गेल्या काही दिवसापुर्वी एका महिला प्राध्यापीकीने व्यवस्थापनाकडे सदर प्राध्यापकाची तक्रार दिली होती. या प्रकरणाची चौकशी होवून व्यवस्थापनाने प्राध्यापकाला क्लिन चिट दिल्याची माहिती सुत्रांनी दिली आहे. गेल्या काही दिवसापूर्वी प्रा. गोरे यांनी आपल्या पत्नीला पुणे येथे पाठविले होते. पाच दिवसापासून नैराश्ये्त होते. दरम्यान आज मंगळवारी पहाटे २.३० वाजताच्या सुमारास धामणगाव रेल्वे येथे मालगाडी खाली येवून आत्महत्या केली. हा प्रकार रेल्वे विभागाच्या कर्मचा-यांच्या लक्षात येताच त्यांनी चौकशी सुरु केली. आयकार्डच्या बेल्टवरुन मृतक हा यवतमाळ येथील अणे महाविद्यालातील कर्मचारी असल्याचे समोर आले. त्यावरून धामणगाव रेल्वे येथील कर्मचारी खसाळे यांनी महाविद्यालयात संपर्क साधून या घटनेची माहिती दिली. घटनास्थळावर चिठ्ठी सापडली असून, त्यामध्ये ३० ते ३५ जणांनावे ची माहिती असल्याची चर्चा आहे. त्यांच्या मागे पत्नी, एक मुलगा व बराच मोठा आप्त परिवार आहे. बडनेरा पोलीस ठाण्यात गुन्हा दाखल करणे सुरु असल्याची माहिती सुत्रांनी दिली आहे.